کاویری آبی تنازعہ وزیر اعظم کی لوگوں سے صبر و تحمل سے کام لینے کی اپیل

(یو این آئی) وزیر اعظم نریندرمودی نے کاویری کے پانی کی تقسیم سے متعلق سپریم کورٹ کے حالیہ حکم کے بعد کرناٹک اور تامل ناڈو میں پیدا ہوئی صورت حال پر گہری تشویش کا اظہار کرتے ہوئے وہاں کے لوگوں سے امن قائم رکھنے اور ضبط و تحمل سے کام لینے کی درخواست کی ہے۔

مسٹر مودی نے آج ایک بیان میں کہا کہ جمہوریت میں مسئلہ کا حل صبر و تحمل اور باہمی بات چیت کے ذریعہ تلاش



کیا جاتا ہے پچھلے دو دنوں میں کرناٹک اور تامل ناڈو میں تشدد اور آگ زنی کے جو وقعات ہوئے ہیں ان سے براہ راست نقصان غریبوں اور ملک کو ہورہا ہے ۔

ا س سے پہلے جب بھی ملک میں نا مساعد حالات پیدا ہوئے دونوں ریاستوں نے تحمل اور بردباری کے ساتھ ان کا سامنا کیا اور امید کی جاتی ہے کہ اس بار بھی یہ ریاستیں اسی تحمل کا مظاہرہ کرتے ہوئے اپنی ذمہ داریاں انجام دیں گی۔